Túrkııadaǵy zilzaladan aman qalǵan Sabına Mamadıarovanyń jaǵdaıy qalaı
«Bul taqyrypta sóz qozǵaǵan soń qutqarýshylarǵa, qoldaý bildirgen otandastaryma alǵys aıtýym kerek shyǵar.
Qazir onyń jaǵdaıy jaqsy. ıAǵnı, qolyna ota jasaldy. Qolyna zaqym kelgen edi. Bir ota Túrkııada jasaldy. Keıin Qazaqstanǵa ákelip, ekinshi ota jasatty. Meniń bilýimshe, qazir bári jaqsy. Biraq men onyń jaqyn týysqany emespin. Solardan suraǵandaryńyz durys bolatyn shyǵar. Qazaqstanǵa ákelip, ota jasalǵanyn bilemin. Ol Almatyda ǵoı. Meniń Almatydaǵy dostarym kezdesip, qoldaý bildirip otyrady. Odan basqa eshteńe bilmeımin», - dedi Astana Hub bas dırektory Decentral Asia aýqymdy sharasynyń qorytyndy jıynynan keıin.
Eske salsaq, aqpan aıynda bolǵan Túrkııadaǵy jer silkinisi kezinde habarsyz ketken Sabına Mamadıarova aman tabylǵan edi.
Osy zilzala kezinde qaıtys bolǵan Mırbolat Qurmashevtiń denesi Almatyda jer qoınyna tapsyryldy.
Sol kezde Túrkııada joǵalǵan áriptesteri men týysqanyn izdeý úshin Astana Hub basshysy Maǵjan Mádıev ózi top jasaqtap barǵan bolatyn.
