Túrkııadaǵy zilzaladan 95 saǵat ótkennen keıin 7 jasar qyz qutqaryldy
Qutqarý brıgadasy Hataı provıntsııasy general Shıýkrıý Kanatly aýdanyndaǵy jumystaryn jalǵastyryp jatyr. Úıindiniń astynda tiri adamnyń bar ekenin anyqtaǵan qutqarýshylar men órt sóndirýshiler qyzdy aman alyp shyqty.
Oǵan alǵashqy medıtsınalyq kómek kórsetilip, aýrýhanaǵa jiberildi.
Aıta keteıik, qutqarýshylar men dárigerler engen Qazaqstan qutqarýshylarynyń eki toby qazir túrik elinde izdestirý-qutqarý jumystaryn júrgizip jatyr. Birinshi eshalon – 7 aqpanda, ekinshisi 8 aqpanda attanǵan edi. Alǵashynda qazaqstandyq bortpen 16 adam, ekinshi bortpen 64 adam Túrkııadan elimizge jetkizilgen edi.
9 aqpanda Gazıanteptegi obektilerdiń birinde elimiz mamandar úıindiler astynan 3 adamdy qutqaryp alǵan bolatyn.
Túrik elinde zilzala kezinde joǵalyp ketken birneshe qazaqstandyq tabyldy. Olardyń biri – Sabına Mamadıarova 8 aqpan kúni úıindi astynan aman shyǵaryldy. Hattaıda jumys istep jatqan qazaqstandyq qutqarýshylar Ádil Qadirbekovtiń óli denesin tapty. Kóp uzamaı Mırbolat (Mırýs) Qurmashevtiń denesi de qırandylar astynan tabyldy.
9 aqpanda Tótenshe jaǵdaılar mınıstri ıÝrıı Ilın Memleket basshysy Qasym-Jomart Toqaevqa qutqarý operatsııalary jóninde esep bergen bolatyn.
Sońǵy málimetke sáıkes, Túrkııada joıqyn jer silkinisinen qaza tapqandar sany 17 myńnan asty, 72 myńǵa jýyq adam zardap shekti. Zilzala 6 aqpan kúni boldy. Kahramanmarash-Pazardjık aýdanynda 7,7 ball qýatymen jáne Elbıstanda 7,6 ball qýatymen jer silkingennen keıin 648 aftershok boldy. Jerasty dúmpýi eldiń 10 provıntsııasynda, sondaı-aq kórshiles elderde, sonyń ishinde Sırııada sezildi.
Foto: aa.com.tr