Túrkııadaǵy zilzala: Jaraqat alǵandar sany 320 adamnan asyp ketti

IZMIR. Anadoly-QazAqparat – Túrkııadaǵy jer silkinisinen zardap shekkender sany 320 adamnan asyp ketti, dep habarlaıdy QazAqparat Anadoly agenttigine silteme jasap.

Túrkııa úkimeti janyndaǵy tótenshe jaǵdaıdyń aldyn alý jáne saldaryn joıý jónindegi basqarmanyń (AFAD) málimetinshe, Izmırdegi zilzaladan 321 adam jaraqat alǵan, 6 adam qaza tapqan.

Úıindi astynda qalǵan 70 turǵyn qutqarylǵan. Qutqarý jumystaryn júrgizýge 3 mln túrik lıri bólindi.

Túrkııanyń ishiki ister mınıstrliginiń málimetinshe, Izmır qalasynyń Bornova men Baırakly aýdandarynda jer silkinisinen alty turǵyn úı qıraǵan.

Eske sala ketsek, Túrkııadaǵy Izmır jaǵalaýynda 6,6 baldyq jer silkinisi boldy.

Qazaqstan Respýblıkasynyń Túrkııadaǵy elshisi Abzal Saparbekuly sondaǵy qazaqstandyqtar kómek qajet bolsa tikeleı elshilikke habarlasýy kerektigin eskertti. Elshilik qazaqstandyqtar shuǵyl habarlasýǵa bolatyn telefon nómirlerin jarııalady.