Túrkııadaǵy zilzala: 205 saǵattan soń úıindi astynan áıel qutqaryldy
KAHRAMANMARASh. Anadoly – QazAqparat - Kahramanmarash provıntsııasyndaǵy jer silkinisiinen keıin 205 saǵattan soń úıindi astynan áıel qutqaryldy, dep habarlaıdy QazAqparat Anadolyǵa silteme jasap.
35 jastaǵy Aıshegıýl Baıyr Onıkshýbat aýdanyndaǵy ǵımarat úıindisinen shyǵaryldy. Qutqarýshylar ony úıindi astynan alyp shyǵý úshin 5 metr týnnel qazǵan.
Eske salsaq, 6 aqpan kúni Túrkııanyń Kahramanmarash-Pazardjık aýdanynda 7,7 ball qýatymen jáne Elbıstanda 7,6 ball qýatymen jer silkingennen keıin 648 aftershok bolǵan.
Jerasty dúmpýi eldiń 10 provıntsııasynda, sondaı-aq kórshiles elderde, sonyń ishinde Sırııada sezildi.
Qazaqstandyqtar Túrkııa halqyna kómek retinde 100-ge jýyq kıiz úı jiberedi.
