Túrkııadaǵy joldastyq matchtar: «Aqjaıyqtyń» qarsylastary kim
ORAL. QazAqparat - Fýtboldan premer-lıga komandalary arasynda el birinshiligine daıyndyq barysynda «Aqjaıyq» ekinshi oqý-jattyǵý jıynyna kiristi, dep habarlaıdy «QazAqparat» tilshisi.
«Aqjaıyq» fýtbol klýbynyń baspasóz qyzmetinen túsken málimetke qaraǵanda, ýkraınalyq maman Vladımır Mazıar jattyqtyratyn oraldyqtar bul ázirlik kezeńin Túrkııanyń Antalıa qalasynda 4 aqpan - 1 naýryz aralyǵynda ótkizedi.
Batysqazaqstandyqtar alǵashqy joldastyq kezdesýinde 7 aqpan kúni Vengrııa ІІ Ulttyq lıgasynda oınaıtyn «Derı ETO» komandasymen alańǵa shyǵady. Sodan keıin 9 aqpan kúni «Chernomorets» (Odessa) klýbymen sheberlik baıqasady.
Jıyn barysynda komanda quramy naqtylanady.
Aıta keteıik, buǵan deıin «Aqjaıyqtyń» kapıtany Meıram Sapanov jáne Azat Ersálimovpen eńbek sharty uzartylsa, komandaǵa jańadan Erkebulan Nurǵalıev, Berik Shaıhov, Ýkraına eliniń ókilderi Andreı Tkachýk, Aderınsola Eseola, Sergeı Basov alynǵan bolatyn.
