Túrkııadaǵy jol apatynan zardap shekken eki qazaqstandyq aýrýhanada jatyr
ASTANA. QazAqparat - Túrkııadaǵy jol apatynan zardap shekken qos otandasymyz áli aýrýhanada jatyr. Dárigerler Sholpan jáne Toǵjan Turǵanbekovalardyń jaǵdaıy qalypty deıdi. Olardyń biriniń jambasy, al ekinshisiniń qoly synǵan.
Zardap shekken taǵy úsh qazaqstandyq senbi kúni aýrýhanadan shyǵarylyp, qazir qonaqúıge jaıǵastyrylǵan. Olarǵa joldamany satqan týrıstik kompanııa jaqyn kúnderi qaıtar bıletti alyp beredi.
Al bokstan Qazaqstan chempıony Zarına Tsoloeva aýrýhanadan shyǵa sala áýejaıǵa bet alypty, dep habarlaıdy KTK telearnasy. Esterińizge sala keteıik, 6 tamyzda Túrkııanyń Denızlı qalasynyń mańynda Pamýkkale-Antalııa tasjolynda TMD elderinen barǵan saıahatshylar avtobýsy jol-kólik apatyna ushyraıdy. Avtobýsta 7 qazaqstandyq bolǵan. 4 adam qaıǵyly oqıǵa qurbany boldy: 3 reseılik jáne bizdiń otandasymyz - qaraǵandylyq Aıda Sarabaeva. Aıda Sarabaevanyń denesi 9 tamyzda elge jetkizilip, jerlendi
