Túrkııadaǵy jol apatynan zardap shekken 5 qazaqstandyq aýrýhanaǵa jatqyzyldy
ANKARA. QazAqparat - Túrkııadaǵy jol apatynan 31 adam zardap shekken, olardyń arasynda Qazaqstan, Belarýs, Reseı, Lıtva azamattary bar. Bul týraly Túrkııanyń ońtústik-batysyndaǵy Denızlı provıntsııasynyń Qaýipsizdik basqarmasynan habarlady.
QR Konsýldyǵynyń málimeti boıynsha, jol apatyna ushyraǵan avtobýsta 7 qazaqstandyq bolǵan. Olardyń beseýimen baılanysqan. Olar aýrýhanada, ómirlerine qaýip tónip turǵan joq.
Buǵan deıin habarlaǵandaı, Túrkııada avtobýspen bolǵan jol-kólik oqıǵasynda tórt Reseı azamaty mert bolyp, 27 adam jaralanǵan. Haber Denizli portalynyń habarlaýynsha, qaza tapqandardyń sany 6-ǵa jetken.
Al RIA Novostı RF Elshiligindegi ókilge silteme jasap: «Jol apatynan 4 adam qaza taýyp, 31-i jaraqat aldy. Olar bes aýrýhanaǵa jetkizildi. Keıbirine qazir ota jasalyp jatyr», - dep habarlady.
Onyń sózine qaraǵanda, jaýyn-shashyn bolǵandyqtan sý jolda júrgizýshi kólikti basqara almaı, nátıjesinde avtobýs aýdarylyp qalǵan.
