Túrkııadaǵy jol apaty: Taǵy bir qazaqstandyq aýrýhanada kóz jumdy

ASTANA. QazAqparat – Túrkııada jol apatyna ushyraǵan otbasynyń otaǵasy da kóz jumdy, dep habarlaıdy QazAqparat tilshisi.

«Rastaımyz. Uldaryn týystary alyp ketti, ol Qazaqstanda. Osy otbasynyń úsh múshesiniń múrdelerin búgin Qazaqstanǵa jiberedi», - dedi Syrtqy ister mınıstrliginiń resmı ókili Aıbek Smadııarov agenttik tilshisine.

Esterińizge sala ketsek, 4 qyrkúıek kúni Túrkııanyń Alanııa qalasynda safarı-kólik pen jeńil avtomobıldiń soqtyǵysýy saldarynan jýrnalıst, «Zeıin Atyraý» erekshe balalardy ońaltý ortalyǵynyń negizin qalaǵan Araılym Baǵytjan men 2 jasary qyzy oqıǵa ornynda qaıtys boldy.

Al otbasynyń otbaǵasy jansaqtaý bólimine túsken edi. 2014 jyly týǵan uldary da aýrýhanada boldy. Onyń densaýlyǵyna asa qaýip tónbegen.