Túrkııadaǵy jer silkinisinen kóz jumǵandar sany 1760 adamnan asty

ANKARA. QazAqparat - Túrkııanyń ońtústiginde bolǵan joıqyn jer silkinisinen qaza tapqandar sany 1762-ge jetti. Bul týraly Túrkııanyń Tótenshe jaǵdaılardyń aldyn alý jáne zardaptaryn joıý departamenti (AFAD) málimdedi, dep habarlaıdy QazAqparat Anadolu agenttigine silteme jasap.

Vedomstvonyń málimetinshe, taǵy 12 068 adam jaraqat alǵan.

Habarda aıtylǵandaı, tabıǵı apat saldarynan 5 606 ǵımarat qıraǵan.

AFAD málimetinshe, Túrkııanyń ońtústik-shyǵysynda keshe jeti baldan asatyn eki jer silkinisi boldy (jergilikti ýaqyt boıynsha 04.17-de – 7,7 ball jáne 13.24-te – 7,6 ball).

Túrkııa bıligi turǵyndardy jer silkinisinen qorqyp, úılerine qaıtpaýǵa shaqyrdy.

Buǵan deıin Rejep Taıyp Erdoǵan Túrkııada jeti kúndik ulttyq aza tutý jarııalaǵany habarlanǵan bolatyn.

Túrkııanyń ońtústik-shyǵysyndaǵy Kahramanmarash provıntsııasynyń Pazardjık aımaǵynda magnıtýdasy 7,4 bolatyn jer silkinisi boldy. Jer silkinisiniń saldary Sırııada, tipti Grýzııada da sezilýde.

Túrkııadaǵy jer silkinisi kezinde qaza tapqan jáne zardap shekken Qazaqstan azamattary joq. Memleket basshysy Qasym-Jomart Toqaev Túrkııa prezıdenti Rejep Taıyp Erdoǵanǵa eldiń ońtústik-shyǵysynda kóptegen qurban bolǵanyna baılanysty kóńil aıtty.

Baýyrlas halyqqa AMANAT partııalastary da kóńil aıtty.

Qazaqstan da Túrkııaǵa shuǵyl kómek kórsetedi.