Túrkııadaǵy jer silkinisinen qaza bolǵan adam sany 19 388-ge jetti

ANKARA. ANADOLÝ-QazAqparat - Túrkııadaǵy jer silkinisinen (epıtsentri Kahramanmarashta bolǵan) qaza bolǵan adam sany 19 388-ge jetti. Bul jaıly el prezıdenti Redjep Taııp Erdoǵan málimdedi, dep habarlaıdy «Anadolý».

Memleket basshysynyń aıtýynsha, apat bolǵan 10 provıntsııadaǵy qutqarý, izdeý jáne gýmanıtarlyq jumystarǵa 141 myń adam jumyldyrylǵan. Onyń ishinde shet memleketterden kelgen qutqarýshylar da bar.

Redjep Taııp Erdoǵan otbasyn apat aımaǵynan basqa jerge ornalastyrýǵa májbúr bolǵan turǵyndarǵa aı saıyn 5 myń lıra beriletinin aıtty.

Odan bólek, Túrkııada jer silkinisi bolǵan aımaqtaǵy turǵyn úı qurylysyna jaýapty tulǵalarǵa qatysty tergeý bastaldy. Bul jaıly eldiń ádilet mınıstri Bekır Bozdagmálimdegen.