Túrkııadaǵy jer silkinisine baılanysty shuǵyl jeli ashyldy - SІM
«QR Syrtqy ister mınıstrliginde 72-05-00 nómiri boıynsha jedel jeli ashylǵanyn habarlaımyz. Osy telefon arqyly azamattarymyz ben olardyń týystary kómek suraı alady. Budan basqa jaqyn arada Túrkııadaǵy Qazaqstannyń dıplomatıtıalyq ókildikteriniń shuǵyl baılanystary qosymsha jarııalanady. Barlyq kelip túsken aqparattar qosymsha tekseriledi.
Jer silkinisi aımaqtaryndaǵy gýmanıtarlyq apatty eskersek, izdeý-qutqarý jumystary biraz ýaqyt alady. Túrkııadaǵy azamattarymyz týraly qandaı da bir aqparaty bolsa nemese týystary baılanysqa shyqpasa, dereý shuǵyl jeli nómirine (72-05-00) nemese Túrkııadaǵy dıplomattarymyzǵa habarlaýdy suraımyz», - dedi SІM resmı ókili.
Eske salsaq, Túrkııanyń ońtústik-shyǵysynda bolǵan zilzaladan qaza tapqandar sany 2 921 adam ekeni habarlanǵan edi. Sońǵy derekter boıynsha, apatan zardap shekkender sany 3 419-ǵa jetken.
Búgin tańerteń Qazaqstan TJM 41 qutqarýshysy apat saldaryn joıýǵa kómek kórsetý úshin Túrkııaǵa jetti.
Qazirgi tańda Túrkııada qalǵan Qazaqstan azamattaryn Gazıantep qalasynan elge áketý sharalary júrgizilip jatyr. Elge qaıtamyn degen Qazaqstan azamattary 7 aqpan saǵat 12:00-de Gazıantep qalasynyń áýejaıynda tıisti protsodýradan ótip, daıyn bolýy tıis. Sonymen qatar, Qazaqstanǵa oralýǵa nıetti azamattar tizimin jasaý úshin +90 538 8807041, +90 3124919100 telefon nómerlerine habarlasýy kerek.
Aıta ketsek, Qazaqstan Aýyl sharýashylyǵy mınıstrligi Túrkııadaǵy jaǵdaıǵa baılanysty azyq-túlikpen gýmanıtarlyq kómek kórsetýge daıyn ekenin málimdedi.
