Túrkııadaǵy jer silkinisine baılanysty 8 adam qamaýǵa alyndy
Shanlyýrfa aımaǵynda 8 adam qamaýǵa alyndy. Oǵan jer silkinisi kezinde qıraǵan ǵımarattar qurylysynan anyqtalǵan olqylyqtar sebep bolyp otyr.
Buǵan deıin Hataı qalasynda jer silkinisi kezinde qulaǵan Rönesans Rezidans turǵyn úı kesheniniń sáýletshisi Mehmet ıAshar Djoshkýnnyń Ystanbul áýejaıynda ustalǵany habarlanǵan edi. Jergilikti BAQ málim etkendeı, ol shetelge qashpaq bolǵan.
Sondaı-aq, «Anadolý» agenttigi taratqan aqparatqa sáıkes, zilzaladan zardap shekken provıntsııalarda jer silkinisine qatysty qylmystardy tergeý jónindegi bólimder qurylady.
Eske salsaq, 6 aqpanda Túrkııada jeti baldan asatyn eki jer silkinisi boldy (jergilikti ýaqyt boıynsha 4:17-de – 7,7 ball jáne 13:24-te – 7,6 ball). Júzdegen aftershokpen jalǵasqan jerasty dúmpýi eldiń 10 provıntsııasynda, sondaı-aq kórshiles memleketterde de sezildi. Epıtsentri Kahramanmarash qalasynda bolǵan jer silkinisinen zardap shekkenderdiń sany 20 myńnan asty, 80 myńnan astam adam zardap shekti.
Qazaqstan Tótenshe jaǵdaılar mınıstrliginiń qutqarýshylary Túrkııada izdestirý-qutqarý jumystaryn júrgizip jatyr. Olar 7 adamdy qutqaryp, medıtsına qyzmetkerlerine tapsyrdy. Qaıtys bolǵan 19adamnyń, onyń ishinde bir balanyń denesi úıindi astynan shyǵaryldy.
Jer silkinisinen Qazaqstan azamattary da zardap shekkeni belgili. QR SІM baspasóz qyzmeti taratqan málimetke saı, 7 aqpanda mınıstrliktiń jedel jelisine 4 dos jer silkinisinen keıin baılanysqa shyqpaı qalǵany týraly qońyraý túsken. Solardyń biri – Sabına Mamadıarova aman qalsa, Mırbolat (Mırýs) Qurmashev pen Ádil Qadyrbekovtiń deneleri tabyldy. Marqumdardyń máıitteri 11 aqpanda elge jetkiziledi dep habarlandy.
Foto Anadolý saıtynan alyndy