Túrkııadaǵy jer silkinisinde 41 adam qaza boldy
ASTANA. Naýryzdyń 11-i. QazAqparat - Sársenbi kúni Túrkııa ókimeti eldiń shyǵysynda bolǵan jer silkinisi qurbandarynyń sany boıynsha málimetterdi naqtylady. Qazir qaza bolǵandardyń tiziminde 41 adam bar. Buǵan deıingi aqparattarda 51 adamnyń qurbandyǵy týraly aıtylǵan bolatyn,
dep habarlaıdy RBK agenttigi.
Málimdemede, dúısenbi kúni jarııalanǵan derekterdiń qate ekendigi aıtylyp otyr. Túriktiń NTV jáne Haberturk telearnalarynyń aqparattary boıynsha, keıbir jaǵdaılarda qatelikter qaza tapqan birneshe áıeldiń qaraly tizimge qyz kezindegi tekterimen de, kúıeýiniń tegimen de engizilýimen baılanysty bolyp shyqqan.
Kúshi 6,0 baldyq jer silkinisi dúısenbi kúni Ankaradan 550 shaqyrymdaı jerdegi jergilikti ýaqyt boıynsha 04.32-de (máskeý ýaqyty boıynsha 05.32) oryn alǵan bolatyn. Jerasty dúmpýiniń saldarynan ondaǵan úıler qırap, kóptegen nysandardyń qabyrǵalarynda jaryqtar paıda bolǵan. Apat bolǵan aımaqtardy búgin, beısenbi kúni el premeri Redjep Erdoǵan aralaıdy dep kútilýde.
