Túrkııadaǵy jer silkinisi saldarynan qulaǵan «Renessans» rezıdentsııasynyń sáýletshisi áýejaıda ustaldy

YSTANBUL. HARRIYET - QazAqparat – Hataı qalasynda jer silkinisi kezinde qulaǵan «Renessans» rezıdentsııasynyń merdigeri Mehmet ıAshar Koshkýn Ystanbul áýejaıynda ustaldy, dep habarlaıdy QazAqparat túrkııalyq Hurriyet saıtyna silteme jasap.

Mıllıondaǵan lıraǵa «Aspan alańy» retinde satylyp, zilzala saldarynan qıraǵan Rönesans Rezidans turǵyn úı kesheniniń sáýletshisi Mehmet ıAshar Djoshkýn shetelge qashpaq bolǵan.

Sabah gazetiniń habarlaýynsha, qırandysy qalǵan kópqabatty turǵyn úıdiń páterleri 1,5 mıllıonnan 3 mıllıon lıraǵa deıin satylǵan. Úıdi salǵan aǵaıyndy, sáýletshi Mehmet ıAshar Djoshkýn men qurylys ınjeneri Hýseın ıAlchın Djoshkýn ekeni belgili jáne olar iz-túzsiz joǵalyp ketken.

Foto: hurriyet.com.tr

Hýseın ıAlchın Djoshkýnnyń Chernogorııada ekeni anyqtaldy. Olardyń Antis yapı kompanııasy shtab-páteri 2017 jyly atalǵan elge aýystyrylǵan.

Úı qulaǵannan keıin aǵaıyndy Djoshkýnǵa qatysty tergeý bastalyp, qamaýǵa alý týraly sanktsııa berildi.

Bas prokýratýranyń buıryǵymen Gazıosmanpashı brıgadalary Ystanbul áýejaıynda sáýletshi Mehmet ıAshar Djoshkýndy shetelge ushqaly turǵan jerinen qamaýǵa aldy.

Foto: hurriyet.com.tr