Túrkııadaǵy jer silkinisi: Myńdaǵan adam túndi kóshede ótkizdi
Sıvrıdje aýdanynyń kóptegen turǵyndary túndi sport keshenderi, saıabaqtar, baq pen konferents-zaldarda ótkizdi. Elıazyg provıntsııasy Jastar jáne sport basqarmasy janyndaǵy ıAkýpa Kylych atyndaǵy sport keshenindegi adamdar tamaqpen jáne sýsynmen qamtamasyz etildi.
24 qańtar kúni Túrkııanyń shyǵysynda jergilikti ýaqytpen 20:55-te magnıtýdpasy 6,8 baldyq jer silkinisi saldarynan 20 adam qaza tapty. Jerasty dúmpýiniń oshaǵy Sıvrıdje ýeziniń Elıazyg provıntsııasynda ornalasqan. Túrkııa úkimeti janyndaǵy Tótenshe jaǵdaılardyń aldyn alý jáne joıý jónindegi basqarmasynyń (AFAD) málimeti boıynsha, zilzaladan keıin magnıtýdasy 2,7-5,4 baldyq 60 aftershok tirkelgen. Jerasty dúmpýi Elıazyg mańyndaǵy provıntsııalar (Adana, Hataı, Osmanıe, Týndjelı, Gazıantep, Shanlyýrfa, Malatıa, Mardın, Samsýn, Tokat, Chorým jáne Kaıserı) men Sırııanyń soltústiginde baıqalǵan.