Túrkııadaǵy jer silkinisi qurbandarynyń sany myńnan asty

ASTANA. QazAqparat - Túrkııadaǵy jer silkinisinen qurban bolǵandar sany 1014 adamǵa jetti, dep habarlaıdy QazAqparat Túrkııanyń Anadoly agenttigine silteme jasap.

Atalǵan málimetterdi Túrkııanyń Tótenshe jaǵdaılardyń aldyn alý men joıý basqarmasy jarııalaǵan.

Túrkııanyń ońtústik-shyǵysyndaǵy Kahramanmarash provıntsııasynda ornalasqan zilzala qurbandarynyń sany myńnan asty, keminde 7 myń adam jaraqat aldy.

Túrkııanyń Tótenshe jaǵdaılardyń aldyn alý men joıý basqarmasynyń málimetinshe, Kahramanmarash, Kılıs, Dııarbakyr, Adana, Osmanıe, Gazıantep, Shanlyýrfa, Adııaman, Malatııa jáne Hataı provıntsııalarynda 2824 ǵımarat qıraǵan.

Jer silkinisiniń qaıtalanýynan qaýiptengen Túrkııa bıligi turǵyndardy úılerine qaıtpaýǵa shaqyrdy.

Memleket basshysy Qasym-Jomart Toqaev Túrkııa Prezıdenti Rejep Taııp Erdoǵanǵa kóńil aıtty jáne Úkimetke Túrkııaǵa shuǵyl kómek kórsetýdi tapsyrdy.

SІM málimeti boıynsha, qazirgi sátke deıin onda Qazaqstan azamattary zardap shekti degen aqparat kelip túsken joq.

Foto: aa.com.tr