Túrkııadaǵy jer silkinisi qurbandarynyń sany 45 myńnan asty

ANKARA. Anadoly - QazAqparat - Túrkııanyń ońtústiginde bolǵan joıqyn jer silkinisinen qaza tapqandar sany 45 089 adamǵa jetti. Bul týraly QazAqparat Anadoly aqparat agenttigine silteme jasap habarlaıdy.

Túrkııada Tótenshe jaǵdaılardyń saldaryn joıý basqarmasynyń (AFAD) málimetinshe, jerasty dúmpýlerinen keıin 11 myńnan astam aftershok tirkelgen. Qazirgi kezde apat aımaǵynda izdeý-qutqarý jumystaryna Túrkııa men shet elderdiń tıisti qyzmetterinen 6 368 adam jumyldyrylǵan. Sondaı-aq jumysqa 234 myńnan astam tartyldy. Olardyń arasynda AFAD qyzmetkeri, polıtsııa, áskerıler men eriktiler bar. Habarlamaǵa sáıkes, qalpyna keltirý jumystaryna ekskavatorlar, krandar, býldozerler, júk kólikteri, sý tasýshy mashınalar, tirkemelerden turatyn 18 myńnan astam tehnıka jumyldyryldy. Zilzaladan zardap shekkender úshin 358 myńnan astam shatyr tigilgeni atap ótildi.

Sonymen qatar 11 provıntsııa men 332 eldi mekende konteınerlik qalashyqtar quryldy.

Eske sala keteıik, 6 aqpanda epıtsentri Kahramanmarash provıntsııasynyń Pazardjık aýdanynda magnıtýdasy 7 baldan asatyn eki jer silkinisi boldy. Júzdegen aftershokqa ulasqan jerasty dúmpýleri eldiń 11 provıntsııasynda, sondaı-aq kórshiles memleketterde, sonyń ishinde Sırııada da sezildi. Mamandar aımaqta jerasty dúmpýleri taǵy jarty jyl boıy jalǵasady dep otyr. Túrkııadaǵy joıqyn jer silkinisinen keıin úıindilerdi ashý jumystaryna 88 elden 11 myń qutqarýshy qatysty. Іzdestirý-qutqarý jumystaryna Qazaqstannan Astana men Almaty qalalary, Aqmola jáne Qaraǵandy oblystarynyń qutqarýshylary da atsalysty.