Túrkııadaǵy jer silkinisi: Qaza bolǵandar sany 12,3 myńnan asty
Tótenshe jaǵdaılar men apattar jónindegi basqarmanyń (AFAD) málimetinshe, Kahramanmarashtaǵy zilzala saldarynan 12 391 adam kóz jumdy, 62 914 adam jaraqat aldy.
Halyqty ornalastyrý úshin 70 818 shatyr tigilgen.
AFAD deregine sáıkes, 6 aqpan kúni Kahramanmarash-Pazardjık aýdanynda 7,7 ball qýatymen jáne Elbıstanda 7,6 ball qýatymen jer silkingennen keıin 648 aftershok boldy. Jerasty dúmpýi eldiń 10 provıntsııasynda, sondaı-aq kórshiles elderde, sonyń ishinde Sırııada sezildi.
Keshe, 8 aqpanda túrik elinde 5,4 magnıtýdasymen taǵy bir silkinis tirkeldi.
Eske salaıyq, Qazaqstan qutqarýshylary mingen bort 7 aqpan kúni Gazıantepke attanǵan bolatyn. Mamandarymyzdyń ekinshi toby Gazıantepke keshke keshqurym jetti.
Qazir Túrkııadaǵy jer silkinisi kezinde joǵalyp ketken qazaqstandyqtar izdestirilip jatyr. Olardyń biri – Sabına Mamadıarova 8 aqpan kúni keshke aman-esen tabyldy.
Foto: aa.com.tr
