Túrkııadaǵy jer silkinisi: Antakııa men Iskenderýn arasynda jol buzylyp, teńiz deńgeıi kóterilýi yqtımal

ANKARA. ANADOLY – QazAqparat – Túrkııanyń Hataı qalasyna qarasty Defne aýdanynda jer silkinisi eki ret qaıtalanǵan soń Antakııa men Iskenderýn qalalarynyń arasyndaǵy jol buzyldy. Búlingen ǵımarattar da bar ekeni aıtylyp jatyr, dep habarlaıdy QazAqparat Túrkııanyń Anadolu agenttigine silteme jasap.

Habertürk telearnasynyń habarlaýynsha, Túrkııanyń ońtústik-shyǵysynda úıler qıraǵan, ázirge olardyń sany qansha ekeni belgisiz. Jerasty dúmpýi Sırııa, Lıvan, Kıpr elderinde, tipti Izraılde de sezilgen.

Anadolu agenttiginiń habarlaýynsha, kórshiles provıntsııalar men Sırııa, Lıvan, Iordanııa, Irak, Palestına, Izraıl men Lıvanda da sezilgen. Lıvanda jer silkinisi el astanasy Beırýt qalasyn qosa alǵanda eldiń barlyq aımaǵynda bilingen.

Sırııada zilzalanyń gúrilin Idlıb, Aleppo, Hamy, Afrına, Aazaza, Djerablýsa, El-Baba men Tell-Abıadada sezgen. Halyq qaýiptenip, úılerinen júgirip shyǵyp jatyr.

Túrkııanyń Antakıa men Iskenderýn qalalaryndaǵy jolǵa jer silkinisi eki ret qaıtalanǵan soń zaqym kelgen.

AFAD azamattarǵa teńiz deńgeıinen 50 sm-ge kóterilý yqtımaldylyǵyna baılanysty jaǵalaýdan aýlaq júrýge keńes berip otyr.

Túrkııa vıtse-prezıdenti Fýat Oktaı turǵyndarǵa zaqym kelgen ǵımarattarǵa jaqyn júrmeýdi eskertip jatyr.

Osyǵan deıin Hataı qalasyna qarasty Defne aýdanynda dúısenbi kúni 6,4 magnıtýdalyq jer silkinisi tirkelgeni habarlandy. Keshirek taǵy qýaty 5,8 magnıtýdaǵa jetetin taǵy bir jer silkinisi boldy.