Túrkııadaǵy jer silkinisi: Adana áýejaıy jumysyn toqtatty, keıbir aýdandarda elektr qýaty úzildi
Sońǵy jerasty dúmpýleri saldarynan Dııarbakyrdaǵy bir ǵımarat tikeleı efırde opyrylyp qulady. Osynyń saldarynan jergilikti turǵyndar men jýrnalıster qaza taba jazdady. Qutqarý jumystaryn toqtatýǵa, oqıǵa ornyn qorshaýǵa týra keldi.
Eki márte bolǵan jer silkinisinen keıin Túrkııanyń ońtústik-shyǵysyndaǵy Adana áýejaıyndaǵy reıster toqtatyldy. Jumysty toqtatý týraly sheshimdi Kahramanmarashtaǵy birneshe ret bolǵan jer silkinisinen keıin áýe aılaǵynyń basshylyǵy qabyldady. Onyń magnıtýdasy 7,6 ball boldy.
TASS agenttiginiń habarlaýynsha, respýblıkada dabyldyń eń joǵary deńgeıi jarııalandy. Ol halyqaralyq kómekti qarastyrady.
«Jahandyq seısmıkalyq belsendiliktiń deńgeıi tótenshe deńgeıge kóterildi jáne áli de iri jer silkinisi bolýy múmkin», - dedi seısmologter.
Túrkııanyń Iskenderýn porty da qırap, ýaqytsha jumysyn toqtatty.
Sondaı-aq, jer silkinisi saldarynan Túrkııanyń ońtústigindegi keıbir aımaqtarda elektr qýaty men ınternettiń úzilgeni habarlandy. Mundaı derekterdi NetBlocks halyqaralyq kommertsııalyq emes uıymy keltirdi.
Túrkııadaǵy qutqarý jumystarymen 9 myń adam aınalysyp jatyr.
Esterińizge sala keteıik, Túrkııanyń ońtústik-shyǵysyndaǵy Kahramanmarash provıntsııasynyń Pazardjık aımaǵynda 7,4 magnıtýdaly jer silkinisi boldy. 912 adam qaza taýyp, 5385 adam jaraqat aldy. Túrkııadaǵy jer silkinisi kezinde qaza tapqan jáne zardap shekken Qazaqstan azamattary joq.
Qazaqstan Prezıdenti Qasym-Jomart Toqaev Túrkııa basshysyna kóńil aıtty. Sondaı-aq ol Úkimetke Túrkııaǵa shuǵyl kómek kórsetýdi tapsyrdy.
Foto: © AP Photo/ Mahmut Bozarsan