Túrkııadaǵy jarylystarǵa kináliler Sırııanyń arnaıy qyzmetterimen baılanysty
ASTANA. 12 mamyr. QazAqparat - Sırııamen shekarada ornalasqan Túrkııanyń Reıhanly qalasynda bolǵan jarylystarǵa kináliler anyqtaldy.
Bul týraly Túrkııa premer-mınıstriniń orynbasary Besır Atalaı málim etti, dep habarlaıdy Reuters-ke silteme jasap RBK.
B.Atalaıdyń sózine qaraǵanda, jarylystardy uıymdastyrýshylar Túrkııanyń ishki aýdandarynan kelgen, biraq olardyń sırııalyq arnaıy qyzmettermen baılanysy bar.
Eske salaıyq, 11 mamyr kúni Reıhanly qalasynda bolǵan jarylystar saldarynan kem degende 40 adam mert bolyp, taǵy 100-ge jýyǵy zardap shekti. Terakti úshin jaýapkershilikti ázirge eshbir lańkestik uıym óz moınyna almady. Jarylystar qalalyq ákimshilik ǵımaratynan alys emes jerde oryn aldy.
