Túrkııadaǵy jarylys: qaza tapqandar sany 86 adamǵa jetti
ASTANA. QazAqparat - Túrkııada senbi kúni tańerteń bolǵan eki jarylys saldarynan qurban bolǵandar sany 86 adamǵa jetti, dep habarlaıdy TASS.
Eldiń ulttyq densaýlyq saqtaý mınıstri Mehmet Mıýezzınoglýdyń aıtýynsha, 186 adamǵa aýrýhanalarda kómek kórsetilýde, 28 adam aýyr halde jatyr.
Zardap shekkenderdiń arasynda 9 polıtsııa qyzmetkeri bar, dep habarlady Túrkııa Syrtqy ister mınıstrliginiń basshysy Selıamı Altynok.
"Máskeý ýaqyty boıynsha saǵat 10:04-te birinshi jarylys boldy, úsh sekýndtan soń ekinshi jarylys oryn aldy. Oqıǵa ornynda basqa jarylǵysh zattar tabylǵan joq. Qaza tapqandar arasynda polıtsııa qyzmetkerleri joq, biraq 9 polıtseı oqıǵadan japa shekti ", - dedi Altynok.
Jarylysty terrorıstiń jasaǵany týraly nusqaǵa qatysty ol tergeý amaldarynyń jalǵasyp jatqanyn aıtty: «onyń qorytyndylary boıynsha jarylystyń sebepteri týraly aqparat beriletin bolady», dedi ol.
Eske sala keteıik, elimizdiń Syrtqy ister mınıstrligi Túrkııanyń Ankara qalasynda oryn alǵan jarylystan qaza tapqandar arasynda qazaqstandyqtardyń bar-joǵyn anyqtaý jumystaryn júrgizýde.
