Túrkııadaǵy jaǵdaıǵa oraı Syrtqy ister mınıstrligi jedel jeli ashty
ASTANA. QazAqparat - Túrkııadaǵy qaýipsizdik jaǵdaıyna alańdaýshylyq bildirip jatqan azamattarymyzdyń suraqtaryna jaýap berý maqsatynda QR Syrtqy ister mınıstrligi Astanada «jedel telefon jelisin» ashty, dep habarlady vedomstvonyń baspasóz qyzmetinen.
Azamattarymyzdyń qaýipsizdigine, Qazaqstan men Túrkııa arasynda áýe qatynasyn qalpyna keltirýdiń múmkin merzimderine baılanysty suraqtar boıynsha kelesi telefon nómerleri arqyly habarlasýǵa bolady: (+7-7172) 720486 (19.00-ge deıin), +7-7023063417, +7-7013829890.
Túrkııadaǵy jaǵdaıdyń damýy boıynsha jalpy suraqtarǵa jaýap alý úshin kelesi telefon nómirleri arqyly habarlasýǵa bolady: (+7-7172) 720250 (do 19.00), +7-701-7776447.
BAQ ókilderin túsiniktemeler alý úshin tek Syrtqy ister mınıstrliginiń baspasóz qyzmetine ǵana habarlasýlaryn suraımyz.
Áýe qatynasyn qalpyna keltirý máselesi Investıtsııalar jáne damý mınıstrliginiń Azamattyq avıatsııa komıtetimen birlese azamattarymyzdyń Túrkııa aýmaǵyndaǵy qaýipsizdigin qamtamasyz etý boıynsha jalpy jaǵdaıdyń ózgerýine baılanysty qarastyrylýda. Reıster Túrkııadaǵy jaǵdaıdyń qalpyna oralýynan keıin birden qaıta ashylady. Qabyldanǵan sheshim týraly habarlama BAQ arqyly qosymsha taratylatyn bolady.
