Túrkııadaǵy jaǵdaıǵa qaramastan, Qazaqstannan eki ushaq sol jaqqa ushyp ketken
ASTANA. QazAqparat - Buǵan deıin habarlaǵanymyzdaı, Túrkııadaǵy áskerı tóńkeris áreketine baılanysty, Qazaqstannyń tórt áýejaıynan 13 reıs keıinge shegerildi. Investıtsııalar jáne damý mınıstrliginiń aqparatyna súıensek, negizinde, 15 reıstiń ushýy shegerilgen eken. Biraq, bári bir, baýyrlas túrki elindegi jaǵdaıǵa qaramastan, Qazaqstannan eki ushaq sol jaqqa bet alypty.
Bul týraly jýrnalısterge shuǵyl brıfıng ótkizgen QR Investıtsııalar jáne damý vıtse-mınıstri Berik Qamalıev málim etti.
«Bizdiń qolda bar málimetke súıensek, Ystambul, Ankara qalalarynyń áýejaılaryndaǵy jaǵdaı qıyn. Antalııa áýejaıyna qatysty aıtar bolsam, qazir Túrkııanyń avıatsııa salasyndaǵy bıligimen baılanysqa shyǵyp, qosymsha habarlaıtyn bolamyz»,-dedi B.Qamalıev.
Vıtse-mınıstrdiń habarlaýynsha, túnnen beri Qazaqstannan Túrkııaǵa ushatyn 15 reıs keıinge shegerilgen. Alaıda, bir charter jáne bir júk áýe kemesi esh jaǵdaıǵa qaramastan, Túrkııaǵa ushyp ketken.
