Túrkııadaǵy Van kóliniń túbinen 3 myń jyl burynǵy qamal tabyldy

ASTANA. QazAqparat - Túrkııadaǵy Van kólin zerttegen arheologtar komandasy kóldiń túbinen qıraǵan iri qamaldy tapty. Ǵalymdardyń baǵalaýynsha, ol 3000 jyl buryn turǵyzylǵan, dep habarlaıdy Hurriyet daily news.

Bul ózendegi sýasty arheologııalyq jumystary 10 jyldan beri júrgizilip keledi jáne kóptegen jańalyqtardyń ashylýyna múmkindik berdi. Zertteýshiler ilmenaqyshtar, ózge de sol zamandaǵy quraldar, marjandar men uzyndyǵy 10 metrlik stalagmıtter tapty.

Bul qamal osy aýmaqta bizdiń zamanymyzǵa deıingi XIII-VIII ǵasyrlarda mekendegen Ýrartý patshalyǵy kezinde salynǵan. Belgili bir ýaqytta kóldegi sýdyń deńgeıi joǵarylap, jaǵalaýda turyp jatqan adamdar qamaldy tastap ketýge májbúr bolǵan.