Túrkııadaǵy tótenshe jaǵdaı rejimin uzartý kúshine endi
ASTANA. QazAqparat - Shilde aıynda tóńkeris áreketinen keıin Túrkııa prezıdenti engizgen tótenshe jaǵdaı rejımi qańtar aıynyń ortasyna deıin uzartyldy dep habarlaıdy dw.com.
19 qazannan bastap Túrkııa aýmaǵynda tótenshe jaǵdaı rejıminiń uzartylýy kúshine enedi. Bul týraly qazan aıynyń basynda el prezıdenti Rejep Taıyp Erdoǵan málim etti. Ol bul rejim aldaǵy ýaqytta uzartylýy múmkin ekenin málim etken bolatyn.
Ankarada «halyqtyń qaýipsizdigi men qoǵamdyq tártipti qamtamasyz etý maqsatynda» 2016 jyldyń qarasha aıynyń sońyna deıin kez kelgen buqaralyq jıyn men mıtıngterdi ótkizýge tyıym salyndy. Bıliktiń mundaı sheshimdi qabyldaýyna tótenshe jaǵdaı rejıminiń uzartylýy ǵana emes, kúsh qurylymdarynda elorda men provıntsııalarda terakt daıyndalyp jatyr degen aqparattyń paıda bolýy sebep boldy, dep habarlady Daily Sabah basylymy.
Tótenshe jaǵdaı rejimi 15 shildede bolǵan áskerıi tóńkeristen keıin engizildi. Sherýshilerdi qoldady dep aıyptalǵan 30 000 astam adam túrmege qamaldy. 60 000 astam adam jumystan shyǵaryldy. Onyń ishinde áskerıler, polıtseıler, oqytýshylar, jýrnalıster bar.
