Túrkııadaǵy tótenshe jaǵdaı rejımi toqtatyldy
ANKARA. QazAqparat - Túrkııada tótenshe jaǵdaı rejımi toqtatyldy. Atalmysh rejım jergilikti ýaqytpen túngi saǵat 01:00-de resmı aıaqtaldy, dep habarlaıdy «Anadolý» agenttigi.
Túrkııada tótenshe jaǵdaı alǵash ret úsh aı merzimge 2016 jyldyń 21 shildesinde elde tóńkeris jasaýdyń aldyn alý úshin jasalǵan edi. Túrkııada TJ rejımi jeti ret úsh aı merzimge sozylǵan edi.
Túrkııa Respýblıkasy Konstıtýtsııasyna sáıkes, TJ rejıminiń merzimi aıaqtalǵanǵa deıin el úkimeti ony uzartý qajettigi týraly parlamentke habarlama jibermegen jaǵdaıda, tótenshe jaǵdaı toqtatylady.
Gıýlen aǵymyndaǵy Túrkııa QK áskerı qyzmetshiler toby 2016 jyldyń 15-nen 16 shildege qaraǵan túni el bıligin qarýmen jaýlap alýǵa áreket jasady. Hýntalardyń áreketine memleket basshylyǵy men quqyq qorǵaý áreketiniń, sondaı-aq qatardaǵy azamattar arqasynda tosqaýyl qoıyldy. 250 adam qaza tapty.
