Túrkııadaǵy tolqýlarda zardap shekken qazaqstandyqtar joq - Syrtqy ister mınıstrligi
ASTANA. 3 maýsym. QazAqparat - Túrkııanyń Stambýl qalasynda bolyp jatqan tolqýlarda zardap shekken qazaqstandyq azamattar joq. Bul týraly búgin QR Syrtqy ister mınıstrligi baspasóz qyzmetiniń jetekshisi Nurjan Aıtmahanov málim etti.
«Bárińiz jaqsy bilesizder, Túrkııanyń Stambýl qalasyndaǵy Taksın saıabaǵy aýmaǵynda oıyn-saýyq ortalyǵyn salý jónindegi sheshim qabyldanǵannan keıin qalada san alýan tolqýlar bastaldy. Sonyń saldarynan 1700-den astam adam tutqynǵa alyndy. Olardyń ishinde qazaqstandyq azamattar joq. Sondaı-aq, tolqýlar barysynda zardap shekken qazaqstandyqtardyń bolmaǵanyn resmı túrde málimdeımiz»,-dedi N. Aıtmahanov.
Baspasóz qyzmetiniń jetekshisi atap kórsetkendeı, Qyrǵyzstandaǵy tolqýlarda da zardap shekken Qazaqstan azamattary joq.
