Túrkııadaǵy teraktini jasóspirim jasaǵan
ASTANA. QazAqparat - Túrkııanyń ońtústigindegi Gazıantep qalasyndaǵy teraktini jasaǵan jankeshtiniń jasy 12-14 shamasynda bolǵan. Túrkııa prezıdenti Rejep Taıyp Erdoǵan osylaı málim etti. Onyń aıtýynsha, jarylǵyshty jankeshtiniń ózi nemese basqa bir adam iske qosqan.
Shabýyl neke toıy kezinde jasalǵan. Saldarynan 51 adam qaza taýyp, taǵy 69 adam jaraquat aldy, onyń 17-i aýrýhanada aýyr halde jatyr. Oqıǵa ornynan jankeshtiniń beldigi tabyldy.
Ázirge lańkestik toptardyń eshqaısysy terrorlyq aktini moınyna almady. Alaıda Erdoǵan shabýyldy DAISh uıymdastyrdy dep málimdedi. «Elimiz bizge shabýyl jasaǵandarǵa tek: «sender maqsattaryńa jete almaısyńdar!, dep jaýap qatady» - dedi túrik basshysy.
