Túrkııadaǵy sý tasqyny 9 adamnyń ómirin qıyp ketti

ANKARA. Anadoly- QazAqparat – Túrkııanyń Kastamoný provıntsııasynda sel tasqynynyń saldarynan toǵyz adam qaza tapty, al Bartyn provıntsııasynda bir turǵyn izdestirilip jatyr, dep habarlaıdy QazAqparat Anadoly agenttigine silteme jasap.

Bul týraly Tótenshe jaǵdaılardyń aldyn alý men joıý jónindegi basqarmanyń (AFAD) habarlamasynda aıtylǵan.

Nóser jańbyrdyń saldarynan sársenbi kúni eldiń soltústiginde sý tasqyny men kóshkin bastaldy.

Aýa raıynyń qolaısyzdyǵynan Bartyn, Kastamoný, Sınop jáne Samsýn provıntsııalary zardap shekken. Turǵyndardy evakýatsııalaýǵa áskerı tikushaqtar jumyldyryldy.

Sý tasqynynan zardap shekken aýdandarda tabıǵı apattar kezinde is-qımyldardy úılestirý ortalyqtary jumys isteýde.

Túrkııada osy jazda ystyq aýa temperatýrasynyń saldarynan birneshe óńirde orman otqa orandy. Beısenbi kúngi jaǵdaı boıynsha, órttiń barlyq tutaný oshaqtary baqylaýǵa alyndy.