Túrkııadaǵy sel tasqynynan qaza tapqandar sany 17 adamǵa jetti

ANKARA. Anadoly - QazAqparat – Túrkııanyń ońtústik-shyǵysynda Shanlyýrfa provıntsııasynda sel tasqynymen aǵyp ketken 20 jastaǵy Emın Ergıýndi izdeý jumystary jalǵasyp jatyr. Bul týraly QazAqparat Anadoly agenttigine silteme jasap.

Іzdeý-qutqarý operatsııasyna júz adamdaı tartyldy. Ergıýn tizgindegen júk kóligi 15 naýryzda tasqynmen aǵyp ketken. Qutqarýshylar aǵyn júk kóligin Atatúrk atyndaǵy sý qoımasyna deıin áketýi múmkin dep otyr. Operatsııaǵa súńgýirler tartylyp, drondar paıdalanýda. Ergıýnniń týystary men jaqyndary onyń aman tabylatynyna úmittenip otyr.

Sońǵy derek boıynsha, Shanlyýrfa jáne Adyıama provıntsııalaryndaǵy sel tasqynynan qaza tapqandar sany 17 adamǵa jetken.

Buǵan deıin habarlanǵandaı Túrkııanyń ońtústik-shyǵysyndaǵy eki provıntsııasynda qatty jańbyr jaýyp, sel tasqyny júrdi, saldarynan 14 adam kóz jumdy.