Túrkııadaǵy saılaýdyń jarqyn tustary
El aýmaǵynda daýys berýshilerdiń kelýi kórsetkishi joǵary boldy. Azamattar saılaý ýchaskelerine ulttyq kıimde, neke kóılegimen, tipti úı janýarlarymen birge kelgeni tirkeldi.
Alǵash ret eldiń saılaý úderisinde 17 258 múmkindigi shekteýli jáne ózdiginen júre almaıtyn egde daýys berýshilerge mobıldi saılaý ýchaskeleri uıymdastyryldy.
Kahramanmarash, Aıdyn, Kýtahıa, Chanakkale, Kastamoný, Shanlyýrfa, Hakkarı provıntsııalarynda saılaýshylar ýchaskelerge ulttyq kıimde jáne túrik baıraǵyn kóterip keldi. Eskishehırde úılenip jatqan jastar nekelerin tirkeýden buryn kelip daýys berip ketti.
Denızlıde Ahmet pen jubaıy Kevser Kyvyldjım saılaýǵa totyqustaryn erte kelipti. Bıledjık provıntsııasynda erli-zaıypty Erdoǵan men Aısel Salamanoglý saılaý ýchaskesine kelgende ıtterin janynan qaldyrmaǵan. Daýsy berýshi Oǵyz Syrly osman dáýirindegi sarbazdyń kıimin kıip alǵan.
Fethıe, Marmarıs aıdandarynda jáne Mýgla provıntsııadaǵy Bodrýmda saılaýǵa Túrkııa azamattyǵyn alǵan sheteldikter qatysty. Antalııada ulty orys azamattar da daýys berdi.
Saılaýshylar 180 065 ýchaskede daýys berdi. Saılaý týraly zańnamaǵa sáıkes daýys berýdiń resmı ýaqyty ótip ketken jadaıda kezek kútip turǵandar bıýlletender tolyq sanalǵan soń ǵana daýys bere alady.
Álemniń 60 elindegi 123 saılaý ýchaskesinde Túrkııadan jetkizilgen bıýlletender qalǵan daýystarmen birge sanalady.
Túrkııa prezıdentigine alty adam kandıdatýrasyn usyndy. Olardyń qatarynda Ádilet jáne damýy partııasy men Ulttyq is-qımyl partııasynan jasaqtalǵan «Halyq alıansynyń» kandıdaty Rejep Taıyp Erdoǵan; Respýblıkalyq halyq partııasynyń kandıdaty Mýharrem Indje men Halyqtyq demokratııalyq partııasynyń úmitkeri Selahattın Demırtash bar.
Prezıdent saılaýyna qatysý úshin 100 myń daýys berýshi qolyn jınaǵandar qatarynda İYİ Parti kóshbasshysy Meral Akshener, Saadet Partisi tóraǵasy Temel Karamollaoglý men Vatan Partisi basshysy Dogý Perınchek bar.
Parlament sılaýyna Ádilet jáne damýy partııasy, CHP, HDP, HÜDAPAR, İYİ Parti, MHP, Saadet Partisi jáne Vatan Partisi úmitkerleri qatysýda.
Ádilet jáne damýy partııasy men MNR «Halyq alıansyna» birikse, İYİ Parti, CHP men Saadet Partisi «Ulttyq alıans» quramynda.
Túrkııa memlekettik basqarý formasyn ózgertpek
24 maýsymdaǵy jalppyhalyqtyq saılaý eldegi memlekettik basqarý nysanyn ózgertedi. Ol Túrkııany parlamenttikten prezıdenttik respýblıkaǵa aınaldyrady.
24 maýsymda saılaýdan keıin kúshine enetin Konstıtýtsııaǵa engizilgen sońǵy ózgeristerge baılanysty Túrkııadaǵy barlyq atqarýshy bılik tarmaqtary prezıdentke beriledi, al parlament tek qana zańnamalyq máselelermen aınalysady. Osylaısha zańshyǵarýshy tarapynan atqarýshy bılikke kez kelgen qysym jasaý barynsha tómendetilgen.
Túrkııanyń jańa redaktsııadaǵy konstıtýtsııasyna sáıkes prezıdent pen parlament saılaýy bes jylda bir márte bir kúnde ótkiziledi. Bir tulǵa prezıdent laýazymynda eki márteden artyq otyrmaıdy. Alaıda ekinshi prezıdenttik merzimde parlament ýaqytynan buryn saılaý ótkizý týraly sheshim qabyldasa memleket basshysy taǵy bir merzimge saılaýǵa qatysa alady.
Eger qandaı da bir sebeppen Túrkııa prezıdenti qyzmetinen ketken jaǵdaıda, al saılaýǵa bir jyl ne odan da az ýaqyt qalsa, onda memleket basshysy ornynan bosatylǵan 60 kúnnen keıingi alǵashqy jeksenbide parlament jáne prezıdent saılaýy ótkiziledi.
27-shaqyrylymdaǵy parlament depýtattarynyń sany 550-den 600-qa deıin ósiriledi. Parlament saılaýyna qatysýshylardyń jasy 25-ten 18 jasqa tómendetildi.
Prezıdent vıtse-prezıdentter men mınıstrlerdi taǵaıyndaıdy.