Túrkııadaǵy saılaý ýchaskelerinde daýys berý aıaqtaldy

ANKARA. QazAqparat – Túrkııada Qazaqstan Respýblıkasy Parlamenti Májilisi men barlyq deńgeıdegi máslıhattary depýtattaryna daýys berý úshin ashylǵan úsh ýchaskeniń jumysy aıaqtaldy, dep habarlaıdy QazAqparattyń menshikti tilshisi.

Túrkııadaǵy Qazaqstannyń dıplomatııalyq ókildikteriniń janynan jergilikti ýaqyt boıynsha saǵat 7:00-den bastap №286, 255 jáne 296 saılaý ýchaskeleri jumys istedi. Olar Ankara, Stambýl jáne Antalıa qalalarynda ornalasqan. Ýchaskeler jumysy saǵat 20:00-de aıaqtaldy. Ankaradaǵy saılaý ýchaskesinde daýys berýshilerdiń kóp bolǵany aıtylady.

Jalpy, Túrkııadaǵy qazaqstandyqtar belsendi túrde daýys berdi. Olardyń kóbi – stýdentter, týrıster, kásipkerler, sondaı-aq dıplomatııalyq mıssııalar jáne halyqaralyq uıymdar ókilderi.

Saılaý ýchaskelerinde daýys berýshiler úshin barlyq jaǵdaı jasaldy. Qashyq aımaqtardaǵy stýdentter úshin avtokólik uıymdastyryldy. Al, densaýlyǵyna baılanysty ýchaskelerge bara almaǵan qazaqstandyqtar úshin mobıldi ýrnalar usynyldy.

Túrli halyqaralyq uıymdar ókilderinen quralǵan táýelsiz baıqaýshylardyń baǵalaýynsha, daýys berý barysynda eshqandaı zań buzýshylyq tirkelmegen.

Komıssııalar músheler daýys sanaýǵa kiristi.