Túrkııadaǵy prezıdent saılaýy: Birinshi kezeńniń qorytyndy nátıjesi shyqty

ANKARA. ANADOLÝ - QazAqparat - Túrkııadaǵy 14 mamyrdaǵy prezıdent saılaýynyń birinshi kezeńiniń qorytyndy nátıjesi jarııalandy. Ondaǵy málimetke saı, Redjep Taıyp Erdoǵan 49,52%, Kemal Kylychdaroglý - 44,88%, Sınan Ogan - 5,17%, Mýharrem Indje - 0,43% daýys jınaǵan, dep jazady QazAqparat Anadolu agenttigine silteme jasap.

Prezıdent saılaýyna Túrkııanyń qazirgi basshysy Redjep Taıyp Erdoǵan, oppozıtsııalyq Halyqtyq-demokratııalyq partııanyń basshysy Kemal Kylychdaroglý, «Alıans ATA» blogynan kandıdat Sınan Ogan, «Otan» Partııasynyń Tóraǵasy Mýharrem Indje tústi.

Resmı basylymda jarııalanǵan OSK málimetine saı, 14 mamyrda ótken prezıdent saılaýynda saılaýshylardyń 87,04 protsenti daýys bergen.

Buǵan deıin habarlaǵanymyzdaı, 14 mamyrda Túrkııada prezıdent jáne 28-shaqyrylymdaǵy parlament saılaýy ótti.

Jeńimpaz 28 mamyrda ótetin prezıdent saılaýynyń ekinshi kezeńinde anyqtalady.