Túrkııadaǵy poıyz apatynan qazaqstandyqtar zardap shekken joq -Elshilik
ASTANA. QazAqparat - Túrkııadaǵy poıyz apatynan zardap shekken Qazaqstan azamattary joq. Bul týraly Qazaqstannyń Túrkııadaǵy Elshiliginen málim etti, dep habarlaıdy QazAqparat tilshisi.
Elshilik aqparatyna sáıkes, 2018 jyldyń 13 jeltoqsany kúni saǵat tańǵy 06-30-dar shamasynda Ankara-Konıa baǵytynda qatynaıtyn júrdek poıyz Ankara qalasyndaǵy Marshandız stansasynda apatqa ushyraǵan.
«Túrkııa Respýblıkasy Densaýlyq saqtaý mınıstrliginen alynǵan aqparatqa sáıkes, apatta qaza bolǵan 8 jáne jaraqat alǵan 46 adamnyń arasynda Qazaqstan azamattary joq. Qazaqstannyń Túrkııadaǵy Elshiligi opat bolǵandardyń otbasylarynyń qaıǵylaryna ortaqtasyp, jaralylardyń tez saýyǵyp ketýin tileıdi», - delingen habarlamada.
Buǵan deıin Ankara-Konıa jolaýshylar júrdek poıyzy Enımahalle aýdanynda Marshandız stansasynda jerasty jaıaý ótpe jolyna soqtyǵysqanyn habarlaǵan edik.
