Túrkııadaǵy orman órtteriniń eldi mekenderge qaýpi joıyldy – mınıstr

ANTALЬıA. QazAqparat – Qazirgi kezde Túrkııanyń qandaı da bir eldi mekenderine qaýip tóndirip turǵan orman órti joq. Bul týraly Túrkııanyń Aýyl jáne orman sharýashylyǵy mınıstri Bekır Pakdemırlı málim etti, dep habarlaıdy QazAqparat «Anadoly» aqparat agenttigine silteme jasap.

«Jalpy alǵanda, Muǵladaǵy barlyq orman órtimen baılanysty jaǵdaı jaqsaryp keledi», - dep málimdedi Pakdemırlı ońtústik-batystaǵy Muǵla provıntsııasynda ótken brıfıngte.

Onyń aıtýynsha, Muǵlada 16 orman órti bolyp, jalynmen kúreske alty ushaq, 39 tikushaq, 630 sýarý mashınasy, 128 ekskavator jáne salalyq qyzmetterdiń 3600 qyzmetkeri jumyldyrylǵan.

Mınıstr tabıǵı apat saldarynan órtenip ketken aýmaqtar qalpyna keltiriletinine sendirdi.

B.Pakdemırlı sondaı-aq órtten zardap shegip otyrǵan Grekııaǵa jalyn oshaqtaryn sóndirýge kómektesýge daıyn ekenin málim etti. Mınıstrdiń aıtýynsha, túrik bıligi kórshiles elge órt sóndirý ushaqtaryn jiberý máselesin qarastyrýda.

«Biz máseleni baǵalap otyrmyz. Túrkııadaǵy orman órtin sóndirip, múmkindigimiz bolsa, Grekııa eline qol ushyn sozamyz», - dep málimdedi ol.

Aıta keteıik, buǵan deıin Qazaqstan Prezıdenti Qasym-Jomart Toqaev Túrkııa Prezıdenti Rejep Taıyp Erdoǵanǵa jedelhat joldap, onda Qazaqstan baýyrlas túrik halqyna gýmanıtarlyq kómek kórsetýge daıyn ekenin atap ótken bolatyn.

Al 7 tamyz kúni QR Tótenshe jaǵdaılar mınıstrligi Túrkııaǵa órt sóndiretin eki arnaıy tikushaq pen 16 qutqarýshyny jiberdi.