Túrkııadaǵy oqıǵaǵa Gúlenniń qatystylyǵy dáleldense, Qazaqstandaǵy túrik lıtseılerin jabý kerek - Qaırat Joldybaıuly
«Sáláfıtter maǵan qarsy nebir qıturqy áreketterin jasaýda. Ásirese, QMDB - ǵa apparat jetekshisi bolǵan kúnnen bastap jalǵan avtorlardyń atymen maǵan túrli jalalaryn jaýyp keledi. Sebebi belgili. Men sáláfıtterge túbegeıli qarsymyn. «Din men dil» atty eki tomdyq kitabymda sáláfıtterdiń qatelikterin áshkerelep, hanafı mázhaby men mátýrýdı aqıdasynyń durystyǵyn, Qoja Ahmed ıAsaýıdiń sopylyq jolynyń sharıǵatqa qaıshy emes ekendigin dáleldeýge tyrystym. Bul olarǵa aýyr tıdi. Tipti Elbasynyń tikeleı qoldaýymen ashylǵan «Islam jáne bilim» qorynyń qarjylandyrýymen neshe ret basylyp, tegin taratylǵan osy kitabymdy kórgen jerlerinde joıýǵa tyrysqandyqtaryna da kýá boldym.
Olardyń negizsiz qaralaý áreketteri menimen shektelip otyrǵan joq. Búginde sáláfılermen belsendi kúresip júrgen Ersin Ámire men Arman Qýanyshbaev, Sansyzbaı Shoqanov, Rızabek Battalov sekildi bilikti mamandardy da qaralap, olardy shııt, habashıt jasap júrgender de osy sáláfıtter. Meni birese, Mysyrdaǵy kóterilisti uıymdastyrǵan ıÝsýf Qardaýıdiń shákirti, memleketke qarsy adam dese, endi birde Nurshy-Gúlenshi dep aıyptady. Eshbir dálelsiz arnaıy tapsyryspen jazylǵan bul súıkemelerdiń avtorlarynyń kim ekenin de, qaı aýyldan esip turǵanyn da jaqsy bilemin. Ras, doktorlyq dıssertatsııamdy jazyp jatqan sońǵy úsh jylda bulardyń meni qaralaýy báseńsidi. Alaıda keshegi Aqtóbedegi oqıǵadan keıin sáláfılerdi zańmen tyıym salý kerek degen usynystarymnan soń bulardyń maǵan shabýyly qaıta bastalyp ketti.
Biraq bul joly aıtarǵa eshnárse taba almaǵannan keıin burynǵy jazdyrǵan shımaılaryn jelilerge kúmpildetip qaıta salyp jatyr. Ashyǵyn aıtaıyn men Gúlen jamaǵatynyń Qazaqstandaǵy kósemi de, belsendi múshesi de emespin. Biraq olar jaıly obektıvti pikirdemin. Quranda: «Qandaı bir qaýymǵa (topqa, rýǵa, jamaǵatqa, ultqa) degen dushpandyqtaryń senderdi olarǵa qarsy ádiletsizdikke ıtermelemesin» -delinedi.
Islamdy balaq pen saqaldyń deńgeıine túsirip, dindi syrtqy pishinmen ǵana shektep, dindarlyqty jattandy shablondarmen sóıleý dep túsinetin, eldiń ishine iritki salýdan basqa maqtanatyn isteri joq sáláfıler men Sibirden bastap, Afrıkaǵa deıin, jańylyspasam álemniń 160 memleketinde myńnan asa mektep ashyp, aǵartýshylyqpen aınalysyp jatqan Gúlen jamaǵatyn bir deńgeıge qoıa almaımyn.
Gúlenniń aqıdasy mátýrýdı, mázhaby hanafı ekendigi málim. Al onyń jamaǵaty bolashaqta memleketimizge qaýipti me? Ony memleketimizdiń quryǵy uzyn quzyrly oryndary anyqtaýy tıis. Meniń osyndaı obektıvti kózqarasym úshin meni "gúlenshi" deıtinder de tabyla keter. Kimniń aýzyna qaqpaq bolasyń?!
Keshegi Túrkııada bolǵan memlekettik tóńkeriske umtylý áreketi Gúlenmen baılanystyrylyp jatyr. Al Gúlen: «Meniń eshqatysym joq. Halyqaralyq deńgeıde beıtarap komıssııa qurylyp, tóńkeris áreketine meniń qatysymnyń bar-joqtyǵy anyqtalsyn , nátıjesi nendeı bolsa da, men oǵan rızamyn. Eger meniń qatysymnyń bar ekendigi anyqtalsa, bul jerden meni eshkimniń alyp ketýiniń qajeti joq, ózim bılet alyp, óz aıaǵymmen baramyn» - degen usynysyn aıtty. Gúlenniń usynysy boıynsha halyqaralyq komıssııa qurylyp, onyń qatysy bar ekendigi rasymen de dáleldenip jatsa, onda eshkimniń kózjasyna qaramastan Qazaqstandaǵy lıtseılerin jabý kerek. Jastarymyzǵa keremet bilim berip jatqandyqtary olardy aqtap ala almaıdy. Memleketimizdiń qaýipsizdigi birinshi orynda bolýǵa tıis!», dep jazdy Qaırat Joldybaıuly Feısbýktegi jeke paraqshasynda.
