Túrkııadaǵy oqıǵa: polıtsııa 5 adamdy tutqyndady
ASTANA. QazAqparat - Túriktiń Seke qalasynyń polıtseıleri Túrkııada RF Elshisi Andreı Karlovtyń óltirilýine baılanysty bes adamdy tutqyndap úlgerdi.
Bul týraly Haberturk telearnasy habarlady. Oqıǵaǵa kýá bolǵandardyń aıtýynsha, Mevlıýt Altyntash fotokórme ótip jatqan ǵımaratqa iskerlik kostıýmmen kirip kelgen, ony jurt elshiniń saqshysy retinde qabyldaǵan.
Reseı jańalyqtary agenttiginiń habarlaýynsha, buǵan deıin Altyntashtyń anasy men qaryndasy ustalǵandyǵy týraly aıtyldy. Endi olardyń qataryna onyń ákesi men tulǵalary atalmaǵan taǵy eki adam qosyldy.
Telearnanyń málimetinshe, seısenbi kúni tańerteń Altyntashtyń týystary jaýap alý úshin Ankaraǵa jetkiziletin bolady. Tintý barysynda onyń úıinen kompıýterler men uıaly telefondar tárkilendi.
Túrkııanyń syrtqy ister mınıstri Sýleıman Soılý elshini óltirgen adam polıtseı bolǵanyn rastady.
Reseılik elshige qarýly shabýyl dúısenbi kúni keshke Ankarada jasaldy.
