Túrkııadaǵy qyrǵyz qaýymdastyǵy han shatyryn tikti

 ASTANA. QazAqparat - Túrkııadaǵy qyrǵyz qaýymdastyǵynyń ókilderi Van provıntsııasyndaǵy Erdjıes aýdanyna túrki halyqtarynyń tarıhı dástúri men mádenıetin beıneleıtin han shatyryn tikti, dep habarlaıdy Anadoly.

Jergilikti turǵyndar eki myń jyl kóleminde ǵasyrdan ǵasyrǵa jalǵasyp kele jatqan túrki halyqtarynyń turmys-saltyn tamashalaý múmkindigine ıe boldy.

Aýǵanstandaǵy Pamır ústirtin mekendeıtin qyrǵyz aýyldary 36 jyl buryn Túrkııaǵa qashýǵa májbúr bolǵan. Olardyń kóbi Ýlýpamır aýdanyna qonystanǵan.

Han shatyr ıdeıasynyń avtory Kenan Aıtachtyń aıtýynsha, bul joba Túrkııanyń shyǵysyndaǵy týrızmdi damytýǵa jáne qyrǵyz halqynyń mádenıeti men dástúrin nasıhattaýǵa baǵyttalǵan.

«Halyq mádenıetimizge qyzyǵýshylyq tanytyp jatyr. Shatyr qurylǵannan keıin bizdiń aýdanǵa keletin týrıster sany 10 ese ósti. Aldaǵy ýaqytta týrıster shatyrǵa túneý múmkindigine de ıe bolady»,-deıdi Aıtach.