Túrkııadaǵy kýrortta týrısterdiń áziliniń sońy reseıliktiń ólimimen aıaqtaldy
ASTANA. QazAqparat - Túrkııadaǵy Antalııa provıntsııasyndaǵy Serık kýrortty qalasynda seısenbi kúni keshqurym reseılik týrıst, 36 jastaǵy Aleksandr Şerbak Germanııadan kelgen 21 jastaǵy týrıst Rıchı Býrghardpen ázildesip kúresip jatqan sátte aıaq astynan ajal qushty, dep habarlady Vestı.rý.
«Eki týrıst qonaqúıde demala júrip, dostasyp ketken. Oqıǵa beısenbi keshke jaǵajaı janynda ornalasqan qonaq úı barynda ishimdik iship otyrǵan kezde oryn alǵan. Bardan shyqqan olar bólmelerine bara jatyp jolshybaı ázildesken, - delingen "Interfaks» agenttiginiń habarlamasynda. Sondaı-aq habarlamada «ekeýi alysyp jatqan kezde Şerbaktyń aıaǵy taıyp ketip, baspen qatty edenge qulap, qatty jaraqattanǵan. Dereý medıtsına qyzmetkerleri shaqyryldy, alaıda Reseıden kelgen týrısti aman alyp qalý múmkin bolmady», delingen.
Şerbaktyń múrdesi Antalıa saraptaý-krımınalıstik departamentiniń máıithanasyna jetkizildi. Rıchı Býrhardtan jergilikti jandarmerııa bólimshesi jaýap aldy.
