Túrkııadaǵy kómir shahtasynda bolǵan apattan qaza tapqandar sany 40-qa jetti
ANKARA. QazAqparat - Túrkııanyń Bartın provıntsııasynyń Amasra aýdanyndaǵy kómir shahtasynda bolǵan apattan qaza tapqandar sany 40-qa jetti, dep habarlaıdy QazAqparat Anadolyǵa silteme jasap.
Túrkııanyń ishki ister mınıstri Súleıman Soılý apatqa qatysty sońǵy málimettermen bólisti.
Shahtadaǵy apat kezinde bolǵan 110 adamnyń 58-i qutqaryldy. Bir kenshiniń taǵdyry belgisiz.
Juma kúni saǵat 18.15-te Amasra aımaǵyndaǵy shahtalardyń birinde jarylys boldy.
Jaralanǵandarǵa jedel medıtsınalyq járdem kórsetý úshin sanıtarlyq avıatsııa jumyldyryldy.
Bartın provıntsııasynyń prokýratýrasy shahtadaǵy jarylysqa qatysty qylmystyq is qozǵady.
Foto: aa.com.tr
