Túrkııadaǵy qazaqtar turatyn Altaı aýylyna jańa ákim saılandy

NUR-SULTAN. QazAqparat - Túrkııadaǵy qazaqtar turatyn Altaı aýylyna jańa ákim saılandy. Bul týraly osy eldegi Qazaqstan Elshisi Abzal Saparbekuly Feısbýktegi resmı paraqshasynda habarlady.

«31 naýryzdaǵy saılaýda Osman Ýısal Nıgde provıntsııasynyń Altaı qazaq aýylynda ákim bolyp saılanypty. Qutty bolsyn!» delingen jazbada.

Altaı aýyly Ankaradan 320 kılometr jerde ornalasqan, bul aýylǵa eń jaqyn qala men ákimshilik ortalyq - Nıde.

Bul jerge qazaqtar Qytaıdyń Altaı ólkesinen barǵan jáne týǵan ólke qurmetine jańa mekenniń atyn «Altaı» dep qoıǵan. 1955 jyly Túrik bıligi 165 úı salyp bergen. Mundaǵy qazaqtar negizinen ata kásip - mal sharýashylyǵymen aınalysqan.

Aıta keteıik, 31 naýryzda Túrkııada jergilikti basshylar saılandy.