Túrkııadaǵy qazaqstandyq týrısterge esh qaýip tónip otyrǵan joq - Túrkııa elshisi
ASTANA. QazAqparat - Túrkııadaǵy qazaqstandyq týrısterge esh qaýip tónip otyrǵan joq. Bul týraly Túrkııanyń Qazaqstandaǵy Tótenshe jáne ókiletti elshisi Nevzat Ýıanyk málim etti.
«Bizdiń elde demalyp jatqan týrısterge esh qaýip joq. 16 shilde kúni jaǵdaı turaqtalǵan bolatyn. Kesheden beri azamattyq ushaqtardyń reısteri qalpyna keltirildi», - dep atap ótti elshi búgin Astanada ótken baspasóz máslıxatynda.
Aıta keteıik, 15 shilde kúni Stambulda áskerı búlik oryn alyp, 190-nan astam beıbit azamat qaza tapty. Qazirgi ýaqytta 6 myńnan astam búlikshi ustaldy, búlik barysynda 100-ge jýyǵy óltirildi.
16 shildedegi jaǵdaı boıynsha, QR SІM taratqan málimetterge sáıkes, Túrkııada 2,5 myń qazaqstandyq azamat bar. Olardyń 1 myńǵa jýyǵy Qazaqstanǵa qaıtyp oralýy tıis.
