Túrkııadaǵy Qazaqstan elshisi men «Anavatan» partııasynyń kóshbasshysy ekijaqty qarym-qatynastardyń keleshegin talqylady
ASTANA. QazAqparat - Qazaqstan Respýblıkasynyń Tótenshe jáne Ókiletti Elshisi Janseıit Túımebaev «Anavatan» túrik lıberaldy-konservatıvtik partııasynyń tóraǵasy Ibragım Chelebımen kezdesti.
Onda Qazaqstan-Túrkııa ekijaqty qarym-qatynastarynyń qazirgi jaǵdaıy men bolashaǵy talqylandy.
«Anavatan» partııasyn Qazaqstan táýelsizdik alǵan jyldary qazaq-túrik qatynastarynyń basy-qasynda bolǵan Túrkııanyń burynǵy prezıdenti Turǵut Ózal qurǵan bolatyn.
Áńgime barysynda I.Chelebı ýshyǵyp ketken túrik-orys qarym-qatynasyn qaıta jandandyrýǵa Nursultan Nazarbaevtyń eleýli úlesin atap ótti. Sonyń arqasynda, Ankara men Máskeý saıası, ekonomıkalyq baǵyttarda baılanystar qaıta jandandy.
Onyń aıtýynsha, Qazaqstan Respýblıkasynyń BUU Qaýipsizdik Keńesiniń turaqty emes músheligine saılanýy aımaqtyq qaýipsizdik júıesindegi Qazaqstannyń ósip kele jatqan rólin kórsetedi.
«Atalǵan eleýli oqıǵa Qazaqstan Táýelsizdiginiń 25 jyldyǵymen sáıkes keldi. Osyǵan baılanysty, men baýyrlas qazaq halqyn kele jatqan mereıtoımen quttyqtaǵym keledi jáne osy ýaqytqa deıin qol jetkizilgen jetistikterdiń myń eselep artýyn tileımiz», - dep atap ótti I.Chelebı.
J.Túımebaev, «Anavatan» partııasy basshysynyń jyly lebizderine alǵys bildire otyryp, saıası, ekonomıkalyq jáne mádenı aspektileri boıynsha eki el arasyndaǵy qarym-qatynastardyń damýynyń negizgi baǵyttary týraly áńgimeledi. Onyń sózine qaraǵanda, táýelsizdiktiń alǵashqy jyldarynda qurylǵan Qazaqstan men Túrkııa arasyndaǵy qarym-qatynastardyń qazirgi damýynda oń dınamıka baılalyp otyr.
Mysal retinde, Qazaqstan elshisi Túrkııadaǵy Qazaqstan kúnderin erekshe atap ótti. Onyń aıasynda Túrkııada Súıinbaı Aronulynyń eskertkishi ornatyldy, Jambyl Jabaevtyń 170 jyldyǵyna arnalǵan konferentsııa men QR óner maıtalmandarynyń qatysýymen kontsert berildi.
