Túrkııadaǵy Qazaqstan elshiliginiń qyzmetkerleri kóp balaly otbasyǵa kómek kórsetti
"2 maýsymda Halyqaralyq balalardy qorǵaý kúnin merekeleýge oraı Qazaqstandyq dıplomattar birlestiginiń músheleri - QR Syrtqy ister mınıstrliginiń, QR Túrkııa Respýblıkasyndaǵy Elshiliginiń jáne QR Ystanbul qalasyndaǵy Bas konsýldyǵynyń qyzmetkerleri asyrap alynǵan 8 balasy bar kóp balaly A. Seıilovanyń otbasyna qaıyrymdylyq kómegin kórsetti", - dep jazdy QR SІM baspasóz qyzmetiniń jetekshisi Ánýar Jaınaqov Feısbýktegi paraqshasynda.
Kezdesý barysynda balalarǵa arnaıy Túrkııadan satyp alynǵan balalardyń jazǵy jáne kúzgi kıimder jıyntyǵy, aıaq kıimder berildi.
A. Seıilova kórsetilgen kómekke óziniń shyn alǵysyn bildirdi. Ol jetim balalar men kópbalaly jáne jaǵdaıy joq otbasylarǵa materıaldyq jáne rýhanı kómek beretin «Meıirimdilik-M» qaıyrymdylyq uıymynyń qyzmetine basshylyq etedi.
Birlestik QR Túrkııa Respýblıkasyndaǵy Tótenshe jáne Ókiletti Elshisi A. Saparbekulyna jáne QR Ystanbul qalasyndaǵy Bas konsýl E. Sapıevke, sonymen qatar QR shet elderdegi mekemeleriniń barlyq ujymdaryna birlestiktiń jobalaryna qoldaý kórsetkenderi úshin alǵys bildiredi.