Túrkııadaǵy Qazaqstan Elshiligi Naýryz merekesin atap ótti
YSTAMBUL. 20 naýryz. QazAqparat - Keshe, 20 naýryzda Qazaqstannyń Túrkııadaǵy Elshiligi «Naýryz» meıramyn toılaýdy uıymdastyryp,
oǵan Túrkııanyń bılik basyndaǵy Ádilet jáne damý partııasynyń (ÁDP) Bas hatshysy, qazaqstan-túrik parlamenttik dostyq tobynyń tóraǵasy Halıýk Ipek, TR Syrtqy ister mınıstriniń orynbasary Fatıh Jeılan, Parlament depýtattary, Ázirbaıjan, Belarýs, Túrkimenstan, Ózbekstan Elshileri jáne basqa da belgili tulǵalar, mádenıet jáne óner qaıratkerleri, qoǵamdyq, akademııalyq toptar, qazaq dıasporasynyń ókilderi men Túrkııada oqyp júrgen qazaqstandyq stýdentter qatysty.
Qazaqstannyń Túrkııadaǵy Elshisi J.Túımebaev qonaqtardy merekemen quttyqtap, olarǵa baqyt jáne tabys tiledi.
Óz kezeginde ÁDP Bas hatshysy H.Ipek Naýryz merekesimen quttyqtaı otyryp, túrki halyqtary ejelden osy beıbitshilik pen kelisim meıramyn toılap kelgenin atap ótti. «Naýryz meıramy barlyq etnostar arasyndaǵy dostyq pen beıbitshilikke baǵa jetpes úles qosýda jáne bizdiń jalpyhalyqtyq merekelerimizdiń biri bolyp tabylady. Qazaqstan men Túrkııa aımaqtaǵy beıbitshilik pen yntymaqtastyqtyń sımvoldary bolyp tabylady, olardyń arasyndaǵy qatynastar basqa elder úshin úlgi bolýda», - dedi túrik saıasatshysy.
Qazaq dıasporasy men stýdentter úshin «Naýryz» - erekshe meıram. Túrkııadaǵy qazaqstandyqtar taǵy da bir ret elimizdiń ulttyq mádenıetimen jáne ónerimen, mýzykalyq ujymdarynyń shyǵarmashylyǵymen tanysty.
Merekeleý barysynda dastarhan jaıylyp, qonaqtarǵa qazaqtyń ulttyq taǵamdary usynyldy.
