Túrkııadaǵy Qazaqstan azamattary saılaýǵa belsendi qatysyp jatyr
ASTANA. QazAqparat - Túrkııadaǵy Qazaqstan Elshiligi janynan, Stambuldaǵy Bas Konsýldyq pen Antalııadaǵy QR Konsýldyǵynda QR Prezıdentiniń saılaýyna baılanysty saılaý ýchaskeleri (№236 Ankarada, №205 Stambulda jáne № 246 Antalııada) quryldy.
Elshilikten habarlaǵandaı, kezekten tys saılaýǵa daıyndyq kezinde Túrkııada ýaqytsha turyp jatqan QR azamattary arasynda úlken jumys júrgizildi. «Ankara saılaý ýchaskesi daýys berý úrdisine tolyq daıyn. Alǵashqy saılaýshylar jergilikti ýaqytpen saǵat 07.30 daýys berdi», - dedi № 236 saılaý ýchaskesiniń komıssııa tóraǵasy, Túrkııadaǵy QR Elshiliginiń keńesshi-elshisi Álimhan Esengeldıev. Ankara, Stambul jáne Antalııa qalalarynda daýys berý úrdisi 26 sáýirde Ankara ýaqytymen saǵat 7:00-den 20:00-ge deıin júrgizildi.
