Túrkııadaǵy Gazıantep qalasynda qýatty jarylys boldy
ASTANA. QazAqparat - Túrkııanyń ońtústik batysyndaǵy Gazıantep qalasynda jarylys boldy, dep habarlaıdy Reuters. Polıtsııa men órtke qarsy qyzmet mamandary oqıǵa ornyna attanǵan.
Qala meriniń aıtýynsha, qaýipsizdik organynyń qyzmetkerleri jarylys dybystaryn estigen, biraq eshbir ǵımarat zardap shekpegen tárizdi. Onyń sózine qaraǵanda, bul «Evfrat qalqany» operatsııasyna qatysyp jatqan ushaqtardyń dybystary da bolýy múmkin.
Jarylystyń sebebi ázirge belgisiz, biraq jergilikti bılik Sırııa tarapynan áýe shabýyly bolýy múmkin degen kúdikti de joqqa shyǵarmaıdy.
Oqys oqıǵanyń mán-jaıy anyqtalýda.
