Túrkııadaǵy avtobýs apatynan 10 týrıst jaraqat aldy
ASTANA. QazAqparat - Túrkııada Antalıa-Kemer tas jolynyń boıyndaǵy apattan 10 reseılik azamat zardap shekti. Olar jeńil-jelpi jaraqat alǵan, dep habarlaıdy ITAR-TASS.
Japa shegýshilerdiń barlyǵyna medıtsınalyq kómek kórsetildi. Oqıǵa Beldıbı kýrorttyq kentiniń mańyndaǵy Antalıa-Kemer tas jolynda oryn alǵan. Aldyn ala málimetter boıynsha, Reseıdiń Volgograd qalasynan 22 azamat mingen avtobýstyń júrgizýshisi kólikti basqara almaı qalǵan. Saldarynan, avtobýs jol shetine shyǵyp ketip, jyraǵa qulap, aýdarylyp qalǵan. Dárigerlerdiń aıtýynsha, on adam jeńil-jelpi jaraqattar alǵan. Bir jolaýshynyń buǵanasy synǵan. Sondaı-aq 2008 jyly týǵan bala aýrýhanaǵa jatqyzylǵan. Qalǵan týrıster qonaqúılerine jetkizilgen. Polıtsııa qyzmetkerleri bolǵan jaıtqa baılanysty tergeý amaldaryn júrgizýde. Apattyń naqty sebepteri tergeý isi aıaqtalǵan soń belgili bolmaq.
