Túrkııadaǵy apattan aman qalǵan Sabına Mamadıarova elge oraldy

ASTANA. QazAqparat – Túrkııada jer silkingende aman qalǵan Sabına Mamadıarova Qazaqstanǵa oraldy. Bul týraly Syrtqy ister mınıstrliginiń resmı ókili Aıbek Smadııarov málim etti, dep habarlaıdy QazAqparat tilshisi.

«Ol aýrýhanada emdelip jatqan kezeńde bizdiń konsýl turaqty baılanysta boldy. Sabına Mamadıarovanyń janyna jaqyn týystary da bardy. Ol Qazaqstanǵa oraldy», - dedi A.Smadııarov mınıstrlikte ótken aptalyq brıfıngide.

Osy oraıda ol Syrtqy ister mınıstrligi Qazaqstan azamatynyń elge saparyn uıymdastyrýǵa kómekteskenin aıtty.

Budan buryn habarlanǵandaı, bıyl 8 aqpanda Túrkııadaǵy tabıǵı apattan keıin habarsyz ketken Sabına Mamadıarova aman tabylǵanyn jarııalandy.

Kóp uzamaı onyń qolyna ota jasaldy.